Psalms 29

Sauti Ya Bwana Wakati Wa Dhoruba

(Zaburi Ya Daudi)

1 ^aMpeni Bwana, enyi mashujaa,
mpeni Bwana utukufu na nguvu.

2 ^bMpeni Bwana utukufu unaostahili jina lake;
mwabuduni Bwana katika uzuri wa utakatifu wake.

3 ^cSauti ya Bwana iko juu ya maji;
Mungu wa utukufu hupiga radi,
Bwana hupiga radi juu ya maji makuu.

4 ^dSauti ya Bwana ina nguvu;
sauti ya Bwana ni tukufu.

5 ^eSauti ya Bwana huvunja mierezi;
Bwana huvunja vipande vipande
mierezi ya Lebanoni.

6 ^fHufanya Lebanoni irukaruke kama ndama,
Sirioni ▼

▼ Yaani Mlima Hermoni.

urukaruke kama mwana nyati.

7 ^hSauti ya Bwana hupiga kwa miali
ya umeme wa radi.

8 ⁱSauti ya Bwana hutikisa jangwa;
Bwana hutikisa Jangwa la Kadeshi.

9 ^jSauti ya Bwana huzalisha ayala,
na huuacha msitu wazi.
Hekaluni mwake wote wasema,
“Utukufu!”

10 ^k Bwana huketi akiwa ametawazwa juu ya gharika;
Bwana ametawazwa kuwa Mfalme milele.

11 ^l Bwana huwapa watu wake nguvu;
Bwana huwabariki watu wake kwa kuwapa amani.